Лидерите од Западен Балкан неформално ќе имаат состанок со лидерите на Европската унија, Урсула фон дер Лајен и Шарл Мишел, на работна вечера закажана за 16 февруари.
Организацијата на состанокот е на иницијатива на претседателот на Европскиот совет, Шарл Мишел, додека ќе им се придружи и претседателот на Европската комисија, Фон дер Лајен.
Мишел на вечерата на 16 февруари, покрај шест лидери од Западен Балкан и претседателката на Европската комисија, Урсула фон дер Лајен, ги покани и шефот на дипломатијата на ЕУ, Жозеп Борел, и премиерот на Хрватска, Андреј Пленковиќ, како земја што претседава со Советот на ЕУ.
На состанокот ќе се разговара за ситуацијата во регионот, интеграцијата во ЕУ и подготовките за претстојниот самит ЕУ-Западен Балкан во Загреб.
Еден ден подоцна, на 17 февруари, во Брисел ќе се одржи донаторска конференција за обнова на подрачјата во Албанија погодени од земјотресот.