Се очекува Европскиот совет да ја поддржи и одлуката за отворање на преговори со Скопје и Тирана
Лидерите на 27 земји членки на Европската Унија ќе разговараат денеска преку видеоврска за заеднички напори за справување со пандемијата со новиот коронавирус и за ублажување на економските последици на здравствената криза.
Редовниот пролетен самит што требаше да се одржи во Брисел в четврток и в петок беше откажан поради кризата со вирусот, а наместо тоа ќе се одржи видеоконференција денеска попладне, главно фокусирана на тоа како да се справат со кризата и последиците.
Дискусијата ќе биде насочена кон четири приоритети: спречување на ширењето на вирусот; снабдување со медицинска опрема, особено респиратори и маски; поттик за истражување, особено за вакцина и за социо-економските последици.
Тоа ќе биде трета видеоконференција посветена на координативните напори за борба против новиот коронавирус.
Се очекува Европскиот совет да ја поддржи и одлуката за отворање на преговори со Скопје и Тирана.