Членови на политичката партија „Левица“ ја посетија руската престолнина Москва и учествуваа на прославата за 100-годишнината од формирањето на пионерската организација на Советскиот Сојуз.
Од партијата на Твитер објавија фотографии и напишаа дека двајца нивни претставници биле на прославата на Црвениот плоштад.
„По повод 100 години од формирањето на пионерската организација на Советскиот Сојуз, членот на Президиумот, Реџеп Исмаил и координаторот на Сектор – Надворешна политика, Александар Симонов, учествуваа на централната прослава организирана од Комунистичката партија на Руската Федерација (КПРФ) на Црвениот плоштад во Москва“,
напишаа на Твитер од Левица.
Од „Левица“ соопштија и дека нивните претставници имале средба со раководството на Комунистичката партија на Руската Федерација.
„Во рамки на прославата, нашите претставници остварија средба со лидерот на КПРФ, другарот Генадиј Зјуганов, раководството на партијата и дел од пратениците во Државната дума на Руската Федерација“,
велат од партијата.