Лајчак рече дека имал долга дискусија со премиерот Курти, но деталите не ги откри на јавноста, бидејќи, како што рече е на средина на мисија и утре ќе ја продолжи посетата во Белград
Специјалниот претставник на ЕУ за дијалог меѓу Белград и Приштина, Мирослав Лајчак, во Приштина изјави дека најдобриот начин за отстранување на барикадите на северот на Косово и Метохија е преку политички договори, а не со булдожери.
По средбата со премиерот Албин Курти, Мирослав Лајчак најави средба со претставници на КФОР и ЕУЛЕКС.
„Јас сум дипломат, за мене најдобар начин за отстранување на барикадите е преку политички договори, а не со булдожери“,
рече Лајчак и додаде дека со Курти имал долг разговор во друштво на американскиот пратеник Габриел Ескобар.
Лајчак рече дека имал долга дискусија со премиерот Курти, но деталите не ги откри на јавноста, бидејќи, како што рече е на средина на мисија и утре ќе ја продолжи посетата во Белград.
„Ќе се сретнам со командантот на КФОР и ЕУЛЕКС да ја види нивната проценка за ситуацијата на терен, а потоа ќе се обидеме да најдеме можни решенија, бидејќи тоа не е добро. Мислам дека не можеме да си дозволиме да чекаме да се случи нешто лошо. Тензиите никому не помагаат, и мислам дека никој нормален не е задоволен од оваа ситуација на север“,
изјави Лајчак на новинарите.
Американскиот пратеник за Западен Балкан Габриел Ескобар рече дека јасно му изразил на Албин Курти оти очекува тој да работи на имплементација на договорот за формирање Заедница на српски општини.
„Треба да почнеме да зборуваме за имплементација на договорот за ЗСО, тоа многу јасно го кажав. Се надевам дека многу брзо во иднина ќе имаме решение за оваа криза. Многу сум охрабрен што претставникот на ЕУ е тука и јас ја изразив мојата поддршка за неговите напори да премине на француско-германскиот предлог“,
изјави Ескобар за медиумите по средбата со Лајчак и Курти.
Габриел Ескобар, во интервју за регионалниот сервис на Радио Слободна Европа на вториот ден од неговата посета на Косово изјави дека САД категорично се противат на можноста за враќање на српските сили на територијата на Косово.