Американскиот претседател Џо Бајден вчера потврди дека ќе го испрати ракетниот систем „Патриот“ во Украина со цел што поуспешно да се заштити од руски ракетни напади врз енергетската инфраструктура
Американското распоредување на ракетниот систем за противвоздушна одбрана „Патриот“ нема да помогне да се стави крај на конфликтот во Украина и нема да ја спречи Русија да ги постигне своите цели, соопшти денеска Кремљ.
Американскиот претседател Џо Бајден вчера потврди дека ќе го испрати ракетниот систем „Патриот“ во Украина со цел што поуспешно да се заштити од руски ракетни напади врз енергетската инфраструктура поради кои милиони Украинци ќе го дочекаат Божиќ смрзнувајќи се во мрак.
„Патриотите“ првенствено се користат за пресретнување и соборување балистички и крстаречки ракети, а Украина долго време го бара овој систем од западните земји за поефикасно да ги собори руските ракети и т.н. камикаѕи-беспилотни летала.
Во разговор со новинарите, портпаролот на рускиот претседател Путин, Дмитриј Песков, изјави дека „нема знаци на подготвеност за мировни преговори за време на посетата на Зеленски на САД“. Тој додаде дека ова докажува дека САД „водат индиректна војна против Русија до последниот Украинец“.