Во периодот од 29 март до 4 април пријавени се 260 смртни случаи од 27 града: 215 лица биле над 60 години, 27 на возраст од 50 до 59 години, 13 од 40 до 49 години, четири лица од 30 до 39 години и едно лице во возрасната група од 20 до 29 години
Во периодот од 29 март до 4 април во земјава се регистрирани 7 933 нови позитивни случаи на коронавирус од 35 града, со зголемување од 6,9% во однос на минатата седмица, според неделниот извештај на Институтот за јавно здравје.
Тестирани се вкупно 26 142 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 5,0% во однос на минатата недела.
Најголем дел од регистрираните случаи се од Скопје (n=3.534; 44,5%), со неделна инциденца – 572,2 на 100.000 жители.
Највисока неделна инциденца од 583,3/100.000 е регистрирана во Кавадарци.
Процентот на позитивност во однос на направените тестови во овој период се движи од 21,0 до 35,2%, или во просек 29,3%, со зголемување за 1,7% во однос на минатата недела.
Регистрирани се заболени лица во сите возрасни групи, а најзастапена е групата на лица на возраст над 60 години (n=2.392, 30,2%). Голем број на заболени се регистрира и кај лицата во возрасните групи од 50 до 59 (n=1.422; 17,9%), 30-39 (n=1.414; 17,8%), 40-49 (n=1.313; 16,6%) и 20-29 (n=917; 11,6%). Најмал број е регистриран кај децата од 0-9 (n=94; 1,2%) и 10-19 години (n=381; 4,8%).
По добиени два негативни теста за присуство на SARS-CoV-2 или со употреба на новиот алгоритам, со статус „оздравени“ се стекнале 4 861 лица кои биле хоспитализирани или на домашно лекување, со зголемување од 19,8% во споредба со минатата недела.
Пријавени се 260 смртни случаи од 27 градови, 27,5% повеќе во однос на минатата недела. Во однос на возраста, 215 лица биле над 60 години, 27 лица на возраст од 50 до 59 години, 13 лица од возрасната група од 40 до 49 години, 4 лица од 30 до 39 години и едно лице од 20 до 29 години.
Откако почна вакцинацијата, на 17 февруари, заклучно со 4 април се вакцинирани 7 009 здравствени работници со прва доза (4 015 – Pfizer/Biontech и 2 996 – Sputnik V) и 4 413 (3 805 – Pfizer/Biontech и 608- Sputnik V) со втора доза на вакцина против ковид-19.
Од 31 март почна вакцинација на населението за лицата над 77 години и заклучно со 4 април вакцинирани се 1 968 лица.