Процентот на позитивни од тестирани лица изнесува 38 отсто
Бројот на починатите од компликации расте во континуитет
Смртноста е најголема кај лицата над 60 години
Пораст од над 18 отсто кај смртните случаи поради компликации од ковид и незначително зголемува од 1,8 осто кај бројот на новозаболени регистрира Институтот за јавно здравје за изминатата недела (16-22 ноември).
Во овој период се регистрирани 7 486 нови позитивни случаи од 35 града во државата, што во споредба со 7 355 нови случаи од минатата недела е незначително зголемување од 1,8 отсто. Пред две недели (2-8 ноември), бројката на нови случаи беше 7 280.
Најголем дел од регистрираните случаи се од Скопје (n=3.255; 43,5%), со неделна инциденца – 535 на 100 000 жители .
Возраст
Во однос на возраста, останува заклучокот дека најмногу од заболените се над 60 (n=1.818, 24,3%), потоа од 40-49 (n=1.496; 20,0%), 30-39 (n=1.474; 19,7%), 50-59 (n=1.348; 18,0%) и 20- 29 (n=978; 13,1%), додека најмал број е регистриран кај децата од 0-9 (n=85; 1,6%) и 10-19 години (n=287; 3,8%).
Според полот, од новозаболените неделава 3 866 или 51,6% се мажи и 3 620 или 48,4% се жени.
Смртност
Минатата недела бројот на починати од компликации со ковид е 204 луѓе од 24 града, што е зголемување од 18,6 проценти во однос на минатата недела кога почнаа 172 лица. Во однос на возраста, 155 лица биле над 60 години, 26 лица на возраст од 50 до 59 години, 18 смртни случаи се пријавени од возрасната група 40-49 години и 5 случаи во возрасната група 30-39 години.
За споредба, бројот на починати од 2 до 8 ноември беше 127 лица. Последната недела од октомври, пак, (27.10-1.11) се регистрирани 88 починати лица како последица на ковид.
Тестирани
Во периодот од 16 до 22 ноември тестирани се вкупно 19 664 материјали во лабораториите во кои се спроведува молекуларно тестирање, што е намалување од 6,3% во однос на минатата недела, кога беа тестирани 20 980 материјали. Претходната недела, пак, (2-8.11) бројката на тестирани е 19 719.
Процентот на позитивни од тестирани лица изнесува 38%.
Деталниот извештај на Институтот за јавно здравје за состојбата со ковид-19 за периодот од 16 до 22 овој месец, како и кумулативната состојба со ковид-19 во земјата може да го видите на веб-страницата на ИЈЗ http://iph.mk/.