Дистрибуцијата по пол на заразените и на починатите од ковид-19 во Македонија битно се разликува, открива статистиката на Институтот за јавно здраво.
Од вкупно 1 465 регистрирани случаи, 695 се машки, а 770 женски лица. Кај починатите 77 лица, пак, 51 смртен случај е регистриран кај лица од машки и 26 кај лица од женски пол.
Од починатите најголем дел или 49 лица биле на возраст над 60 години. Кај 57 од жртвите се регистрирани коморбидитети.
Возраста на заболените се движи од 0 до 94 години, со просек од 44,8 години. Најголем број на заболени се на возраст над 60 години – 308, а најмалку ги има на возраст 0-9 и 10-19 години, каде се пријавени 51 и 59 случаи соодветно.