Дневниот биланс на смртни случаи во Италија од ковид-19 денеска падна на 145, што е најниска бројка од 9 март. Вчера, пак, бројот на загубени човечки животи од новиот коронавирус изнесуваше 153.
Бројот на новодијагностицирани случаи во последните 24 часа изнесува 674 што, пак, е најниска бројка од 4 март. Вчера новозаразените лица броеја 875.
Вкупниот биланс од почетокот на епидемијата во Италија изнесува 225 435 заразени и 31 908 починати.
Во Шпанија, пак, првпат во последните два месеци односно по 16 март кога имаше 48 жртви, е забележано дека бројот на починати е под 100 или поточно 87. Досега таму евидентирани се 277 719 инфицирани лица, а 27 650 смртни случаи.
На глобално ниво САД се на прво место според бројот на заразени лица. Досега потврдени се 1 512 267 заразени лица, а починале 90.206 луѓе.
Во светот, досега се заразиле 4 776 409 лица, а починале 315 576.