Разговарав телефонски со градоначалникот на Тетово, Билал Касами, и го информирав дека Владата ги стави на располагање сите институции во системот за заштита и спасување за справување со пожарот во Тетово, напиша премиерот Димитар Ковачевски на Фејсбук, во врска со големиот пожар кој утринава го зафати поранешниот тутунски комбинат во Тетово.
Тој додава и дека ќе остане во комуникација со Билали и ги повика граѓаните на Тетово да ги почитуваат мерките за лична заштита, односно апелите во наредните два дена да избегнуваат излегување на отворено.
„Остануваме во отворена комуникација за сите дополнителни мерки што ќе се укажат како неопходни во зависност од состојбата на теренот.Се придружувам на неговиот апел и ги повикувам сите граѓани на Тетово и на околните места да се придржуваат до препораките за лична заштита“,
додава Ковачевски.