Американскиот сенатор од Демократската партијата, Крис Марфи, искажал голема поддршка за Северна Македонија во разговорот што го имал со премиерот Димитар Ковачевски на маргините на Минхенската конференција за безбедност.
„Сенаторот Марфи, кој одлично го познава нашиот регион искажа голема поддршка за нашата земја која ја гледа како идна земја членка на ЕУ со заокружен евроатлантски статус, што е особено важно од безбедносен аспект. На сенаторот Марфи му ја изразив мојата и благодарноста на Владата и граѓаните на Северна Македонија за поддршката која САД ја даваат за нашата земја“,
вели Ковачевски.
Тие, според објавата на премиерот, разговарале и за регионалната соработка. Таа додава Ковачевски, има посебно значење кога станува збор за можностите за диверзификација во енергетскиот сектор за стабилно снабдување со енергенси.