Долго време имав дилема кој од двајцата е поголем бугарофоб, но веќе знам, во таа конкуренција има јасен победник, а тоа не е бегалецот во Будимпешта. Мицкоски е вистински шампион на антибугаризмот. Злите јазици би рекле дека негов еквивалент се србоманските четници од 20 век против кои се бореше ВМОРО
Бугарскиот европратеник Андреј Ковачев смета дека однесувањето и изјавите на претседателот ВМРО-ДПМНЕ не се во полза на евроатлантската иднина на Македонија. Повод за реакцијата на Ковачев, како што пренесува БГНЕС, се ставовите на Мицкоски во интервјуто за новото издание на неделникот „Фокус“, во кое тој, меѓу другото, бара Македонија еднострано да го раскине Договорот за добрососедство со Бугарија.
„Додека Зоран Заев, Стево Пендаровски и Никола Димитров ги обиколуваат европските престолнини жалејќи се на однесувањето на Бугарија, Христијан Мицкоски настојува директно да се поништи Договорот за добрососедство. Вистината е дека тој и неговиот претходник Никола Груевски отсекогаш беа против потпишувањето на Договорот. Долго време имав дилема кој од двајцата е поголем бугарофоб, но веќе знам, во таа конкуренција има јасен победник, а тоа не е бегалецот во Будимпешта. На Мицкоски треба да му се признае дека, за разлика од многу други тамошни политичари кои едно говорат во четири очи, а друго пред медиумите, тој е многу јасен, точен, прецизен, искрен и доследен во својата омраза кон сѐ што е бугарско. Тој е вистински шампион на антибугаризмот. Злите јазици би рекле дека негов еквивалент се србоманските четници од 20 век против кои се бореше ВМОРО“,
вели Ковачев.
Ковачев е резигниран и од, како што вели, „навредливите квалификации за нашата земја“, со оглед дека во интервјуто Мицкоски ја ословува Бугарија, „источен сосед“ или „руско кнежевство“.
„На што се должи таа омраза? Не може да ги носите буквите ВМРО, а да го мразите тоа што основачите и револуционерите од Организацијата биле Бугари? И второ, на што се надева ‘војводата’ со таква демонстрирана омраза. Колега Мицкоски, на фонот на Вашата антибугарска омраза, се – вклучувајќи го и лицемерието, лагите, извртувањата, служењето со измами и неисполнувањето на Договорот, ќе изгледаат како помалку лоша алтернатива не само за Бугарија и за ЕУ, туку и за македонските граѓани. Да, Вие сега ќе кревате рејтинг сеејќи омраза кон Бугарија, но тоа нема да биде во полза на Македонија, туку само на Вашиот егоизам“,
вели во реакцијата што ја пренесува БГНЕС бугарскиот европратеник Андреј Ковачев.