Откако вчера Србите го блокираа северот на Косово со барикади и камиони, утрово косовската влада донесе одлука да се одложи спроведувањето на мерките за 30 дена, под услов блокадите да бидат отстранети
Владата во Приштина го одложи спроведувањето на мерките за менување на српските регистарски таблички и документи за еден месец, јавуваат приштинските медиуми.
Како што најави владата во Приштина, овие мерки ќе бидат одложени до 1 септември, доколку бидат отстранети барикадите поставени на административните премини.
Премиерот на Косово, Албин Курти, на Твитер соопшти дека одлуката за промена на регистарските таблички и за документите за влез и излез од земјата се одложува на 30 доколку се отстранат сите барикади од граничните премини.
In cooperation with our international allies, we pledge to postpone implementation of decisions on car plates & entry-exit documents at border crossing points w/ Serbia for 30 days, on the condition that all barricades are removed & complete freedom of movement is restored. pic.twitter.com/oJNaQi0qPO
— Albin Kurti (@albinkurti) July 31, 2022
Специјалниот претставник на ЕУ за дијалог меѓу Белград и Приштина, Мирослав Лајчак, ја поздрави одлуката на Приштина да го одложи спроведувањето на најавените мерки.
Welcome decision by Kosovo to accept @JosepBorrellF proposal to postpone by 1 month. EU expects all roadblocks to be removed immediately. HRVP Borrell invited Kosovo & Serbia to engage in dialogue on way forward. Grateful to @USAmbKosovo for strong support.
— Miroslav Lajčák (@MiroslavLajcak) July 31, 2022
„Ја поздравуваме одлуката на Косово да го прифати предлогот на Жозеп Борел за едномесечно одложување. ЕУ очекува веднаш да се отстранат сите блокади на патиштата. Борел ги повика Косово и Србија да се приклучат кон дијалогот за напредок. Благодарност и до американската амбасада во Приштина за силната поддршка“,
порача Лајчак во пораката на Твитер.
Локалните Срби на северот на Косово вчера со барикади и камиони го блокираа северниот дел на земјата откако Приштина најави дека од денеска почнува да ја применува одлуката за пререгистрација на возилата и документите на српските граѓани кои ќе влегуваат во Косово.
Заменик-директорот на косовската полиција за северниот регион, Бесим Хоти, за агенцијата Анадолија потврди дека локални граѓани од северот на Косово ги блокирале главните патишта од Митровица кон Лапосавиќ и преминот Јариње и кон Зубин Поток и преминот Брњак.
Најпрво во Северна Митровица се огласија сирени, што беше сигнал граѓаните да почнат да се собираат, а потоа почна блокирањето на патиштата со камиони и возила.