Конгресот, сепак, нема можност да го отповика Трамп за ниту еден од прекршоците кои ги наведе. Таа моќ е исклучиво во рацете на американското Министерство за правда, кое е дел од администрацијата на Бајден
Комитетот на Претставничкиот дом на САД кој го истражуваше насилството од 6 јануари 2021 година со упадот во Капитолот во Вашингтон, едногласно утврди дека поранешниот претседател Доналд Трамп го поттикнал нападот и им пружил „помош и утеха“ на демонстрантите.
Членовите на Комитетот објаснуваат дека Трамп прекршил неколку сојузни закони кои се однесуваат на обезбедување поддршка за бунт, измама во врска со федералните власти, заговор за давање лажна изјава и попречување на конгресната потврда дека Џо Бајден победил на изборите.
Конгресот, сепак, нема можност да го отповика Трамп за ниту еден од наведените прекршоци. Таа моќ е исклучиво во рацете на американското Министерство за правда, кое е дел од администрацијата на Бајден. Поради тоа, Комитетот му препорача на Министерството да ја разгледа можноста за покренување кривична постапка против Трамп за неговата вмешаност во нападот на американскиот Капитол.
Доколку Трамп биде осуден за злосторствата за кои Комитетот го обвинува, може да се соочи со високи парични казни, повеќе од 10 години затвор и забрана за понатамошно кандидирање за политичка функција.
Трамп долго време се обидуваше да ги претстави истрагите и тужбите против него како „лов на вештерки“ чија цел е да го спречи неговото враќање на власт.
Веќе има индиции оти тој се соочува со сериозни пречки за нова кандидатура во 2024 година. Последните анкети покажуваат дека тој останува непопуларен кај голем дел од американската јавност, а неговата поддршка опаѓа дури и кај републиканците.
На 6 јануари 2021 година илјадници поддржувачи на Трамп упаднаа во Капитол – срцето на американскиот законодавен дом во обид да го поништат неговиот изборен пораз, за кој Трамп тврди дека е резултат на измама. Пред самиот напад, Трамп одржа жесток говор во кој тврдеше дека неговиот пораз е резултат на измама.
Речиси 600 луѓе беа уапсени за нападот на зградата на Капитол каде што Конгресот заседаваше за да ја потврди изборната победа на Бајден. Во нападите загинаа пет лица, а ранети беа 140 полицајци.
По неколкучасовен прекин, претставниците на Конгресот ја потврдија изборната победа на актуелниот американски претседател, Џо Бајден.