Документите со кривичните пријави за конфискацијата на имотот на „Трансмет“ се доставени до Основното јавно обвинителство за гонење на организиран криминал и корупција и до Владата
Државното правобранителство на С Македонија поднело кривична пријава против поранешните обвинители во СЈО, Артан Ајро, која сега е обвинител во Основното јавно обвинителство за гонење организиран криминал и корупција и Гаврил Бубевски, актуелен шеф на Основното јавно обвинителство Скопје, како и за Арафат Муареми, поранешен истражител во СЈО, сега Директор на Управата за финансиска полиција и поранешниот сопственик на „Трансмет“, Сеад Кочан, објави емисијата КОД на телевизија Телма.
Кривичната пријава е поднесена поради основано сомнение за сторено кривично дело „Злосторничко здружување заради злоупотреба на службена положба и овластување“ и „ Несовесно работење“.
Според кривичната пријава од Правобранителството:
„Тие заедно и со меѓусебен договор, организирано во група, првопријавениот (Артан Ајро) и второ пријавениот (Гаврил Бубевски) во постапка пред суд, а третопријавениот (Аарафат Муареми) во истражна постапка знаејќи ја состојбата на имотот на четврто пријавениот (Сеад Кочан), дозволиле и не ги спречиле последиците настанати од незаконско постапување на страна на четвртопријавениот. Прво пријавениот и второпријавениот според Кривичната пријава ,,не ги превзеле сите пропишани законски дејствија и правни средства“, а кои биле должни да ги превземат во постапката“,
се вели во кривичната пријава, што ја пренесе КОД.
Документите со кривичните пријави за конфискацијата на имотот на „Трансмет“ се доставени до Основното јавно обвинителство за гонење на организиран криминал и корупција и до Владата.