Сe уште има спорадични епидемии, како што е случај во последните денови во источната провинција Фуџијан, каде дневно се пријавуваат околу 50 случаи на инфекција
Кинеската влада објави дека целосно вакцинирала повеќе од милијарда жители против ковид-19, што е повеќе од 70% од населението.
Најнаселената земја на планетата, со 1,4 милијарди жители, каде коронавирусот за прв пат се појави на крајот на 2019 година, дистрибуираше вкупно 2,16 милијарди вакцини, изјави за новинарите висок функционер на Министерството за здравство.
Кина, исто така, беше првата земја што излезе од пандемијата во пролетта 2020 година, по усвојувањето на радикалните мерки, вклучувајќи масовно тестирање и целосно затворање на нејзините граници.
Сe уште има спорадични епидемии, како што е случај во последните денови во источната провинција Фуџијан, каде дневно се пријавуваат околу 50 случаи на инфекција.
Официјалниот број на починати од ковид, останува 4636 лица.
На крајот на минатата година, земјата започна со вакцинирање на населението, пред се со две вакцини што се даваат во две дози на лабораториите „Синовак“ и „Синофарм“.
Пекинг досега не одобри користење на странски вакцини на нејзина територија.