„Пекинг го поддржува свикувањето на мировна конференција признаена од двете страни со еднакво учество од сите страни“, изјави во понеделникот портпаролот на кинеското Министерство за надворешни работи.
Кина потврди дека нема да присуствува на мировната конференција за Украина, организирана од Швајцарија следниот месец, изјавиле четири извори за Ројтерс, директно запознаени со ова прашање.
Пекинг ја отфрли поканата бидејќи условите за негово учество, вклучително и учеството на Русија и Украина, не беа исполнети, изјавиле три извори. Неутралната швајцарска влада бара поголемо присуство од целиот свет на самитот од 15 до 16 јуни, за кој Берн се надева дека ќе го отвори патот за мировен процес во Украина. Москва не беше поканета.
„Пекинг поддржува свикување мировна конференција со еднакво учество на сите страни“
Кина им рече на дипломатите оваа недела дека условите кои не се исполнети вклучуваат дека конференцијата треба да ја признаат и Русија и Украина, дека сите страни треба да учествуваат подеднакво и дека сите предлози треба да се дискутираат праведно, рекол еден од изворите.
„Пекинг го поддржува свикувањето на мировна конференција признаена од двете страни со еднакво учество од сите страни“,
изјави во понеделникот портпаролот на кинеското министерство за надворешни работи.
Рускиот министер за надворешни работи Сергеј Лавров во четвртокот предложи Кина да организира мировна конференција на која би можеле да учествуваат Русија и Украина.
Лавров рече дека таквиот потег ќе биде продолжение на напорите на Пекинг за решавање на украинската криза.
„Ние го делиме ставот (на Кина) дека треба првенствено да се решаваат основните причини за конфликтот и да се заштитат правните интереси на сите страни, со последователни договори засновани на принципот на еднаква и неделива безбедност“,
рече Лавров додавајќи дека ова „имплицира почитување на реалноста на теренот, што ја одразува волјата на луѓето што живеат таму.
Зеленски го покани Бајден, Вашингтон не потврди кого ќе испрати
Русија постојано повикува на преговори под услов Киев и Западот да ги признаат нејзините територијални придобивки во Украина. Киев ги отфрли тие предлози. Во јануари Украина го покани кинескиот претседател Си Ѓинпинг да учествува на планираниот самит на светските лидери во Швајцарија.
Украинскиот претседател Володимир Зеленски оваа недела го покани американскиот претседател Џо Бајден да присуствува, но Вашингтон не потврди кого ќе испрати.
Кина има блиски врски со Русија и се воздржува од критики за нејзината инвазија на Украина, но претходно понуди да помогне во посредувањето во конфликтот. Швајцарија се обиде да убеди повеќе земји од глобалниот југ, вклучително и Кина, да присуствуваат на конференцијата.