Во текот на ноќта, украинската армија издала предупредување за балистички ракети од правец на Источна Русија, а руските власти објавија дека пресретнале беспилотни летала од кои околу 160 се движеле кон Москва
Едно лице е загинато, а 22 се повредени во руски ракетен напад врз Киев во текот на ноќта, објави Државната служба за вонредни ситуации (ДСНС). Меѓу повредените лица, како што додаваат, има и четири деца.
„Од вечерта на 21 октомври, руските трупи започнаа балистички напади врз шест области на главниот град. Се случија пожари и уништувања“,
велат од ДСНС.
Во Днепарската Област е загинато едно лице, петмина се повредени, а едно дете е хоспитализирано. Во овој дел има оштетени куќи, автомобили, а гореле и станбени и нестанбени згради.
Сообраќајната инфраструктура е оштетена во Дарницка Област, а во други области има оштетена сообраќајна инфраструктура, нестанбени згради, амбулантни возила и манастир.
Во текот на ноќта, украинската армија издала предупредување за балистички ракети од правец на Источна Русија, а руските власти објавија дека пресретнале беспилотни летала од кои околу 160 се движеле кон Москва.
Нападите следуваат по вчерашниот состанок меѓу американскиот специјален претставник Стив Виткоф и рускиот претседател Владимир Путин во Санкт Петербург, еден ден по разговорите во Осло со европските лидери и украинскиот претседател Володимир Зеленски. Зеленски повика на прекин на борбите на постојните позиции како прв чекор кон преговорите.
Дипломатскиот советник на Кремљ, Јуриј Ушаков, по тричасовниот состанок изјави дека Москва е подготвена да ги продолжи трилатералните разговори со Киев и Вашингтон, но не веднаш, туку „околу 10 ноември“. Според Москва, разговорите треба да продолжат по среднорочните избори во САД, додека борбите продолжуваат дотогаш.
Зеленски поддржува таков состанок, но сака тој да се одржи „што е можно поскоро“.
„Агендата е јасна: да се заврши војната, да се унапреди мирот и да се подготви сè за состанок на ниво на лидери“,
рече тој.
Американскиот претседател Доналд Трамп вчера повтори дека исходот од војната е блиску.
„Неодамна разговарав со Владимир Путин за завршување на неговата војна со Украина и мислам дека се приближуваме. Можеби никогаш не сме биле толку блиску“,
рече тој.
Американскиот претставник објави на Икс дека разговорите биле конструктивни и дека ќе продолжат во рамките на трилатералните преговори, но оти „сè уште треба да се направи многу“.