Задолжителен карантин во траење од 14 дена за сите кои во земјава ќе пристигнат од Индија и од Бразил, одлучи Владата на вечерашната седница.
Ваков предлог дала Комисијата за заразни болести, а Владата го прифатила, со цел да се спречи евентуално ширење на новите мутации на коронавирусот.
Одлуката ќе важи и за македонски државјани и за странци.
„Комисијата за заразни болести дополнително предложи, а Владата на седницата прифати воведување мерка за задолжителна самоизолација (карантин) во траење од 14 дена за сите домашни и странски физички лица – патници кои пристигнуваат од Индија и Бразил заради спречување на ширење на новите соеви SARS-CoV-2“,
информира владината прес-служба.