Апелација ја одби како неоснована жалбата на осомничениот во „Империја“, Јордан Камчев, и го потврди првостепеното решение со кое е одбиен предлогот на осомничениот за замена на мерката претпазливост со гаранција.
Одбраната на осомничениот во „Империја“, бизнисменот Јордан Камчев, образложувајќи ја жалбата за укинување на мерката претпазливост и одземање на патна исправа, на 23 јануари годинава во Апелацискиот суд во Скопје понуди гаранција во имот во вредност од околу 3.200.000 евра.
Сумата Камчев ја зголеми со поднесување на жалбата до второстепениот суд откако Основниот кривичен суд одби да му се врати пасошот со гаранција од околу 2.200.000 евра.
Адвокатот на Камчев тогаш изјави дека смета оти сумата е доволна за Апелација да ја уважи жалбата, но најави дека ако треба може и да ја зголемат.
Од Вишото јавно обвинителство тогаш рекоа дека барањето на бизнисменот треба да се одбие како неосновано.