Познато е дека главниот начин на инфекција е контакт со загадена вода. Паразитот навлегува во човечкото тело преку носот и мигрира во мозокот
Првиот случај на инфекција со паразитот кој јаде мозок е откриен во Јужна Кореја, соопшти Корејската агенција за контрола и превенција на болести (KDCA), пренесува Кореа тајмс.
„Корејската агенција за контрола и превенција на болести за прв пат потврди дека починатиот пациент со церебрален менингитис е заразен со амебата Наеглерија Фулери“,
се вели во соопштението.
Тие прецизираа дека починатиот 50-годишен пациент неодамна се вратил во Јужна Кореја од странство. Тој поминал четири месеци во Тајланд и пристигнал дома на 21 декември. Тој развил симптоми како што се главоболка, треска, повраќање и нејасен говор.
Познато е дека главниот начин на инфекција е контакт со загадена вода. Паразитот навлегува во човечкото тело преку носот и мигрира во мозокот. Може да предизвика примарен амебен менингоенцефалитис, инфекција на мозокот.