Либанската армија денеска соопшти дека еден новинар е убиен во престрелка во близина на границата со Израел. Израелската војска објави дека нејзините сили целеле на инфраструктурата на Хезболах и погодиле три лица кои се обиделе да истрелаат противтенковски ракети врз Израел. Што се однесува до обвинението на либанската армија за убиството на новинарот, велат дека го истражуваат случајот
Израел нареди евакуација на жителите на Кирјат Шмона, град на северот од земјата близу границата со Либан, соопшти денеска израелското Министерство за одбрана. Кирјат Шмона има повеќе од 20 000 жители и е на околу два километри од граничната ограда.
Либанската армија денеска соопшти дека еден новинар е убиен во престрелка во близина на границата со Израел. Израелската војска објави дека нејзините сили целеле на инфраструктурата на Хезболах и погодиле три лица кои се обиделе да истрелаат противтенковски ракети врз Израел. Што се однесува до обвинението на либанската армија за убиството на новинарот, велат дека го истражуваат случајот.
Досега се убиени 13 борци на Хезболах
Хезболах потврди дека истрелал ракети врз израелските позиции во селото Манара, на што Израелците одговориле со гранатирање. Портпаролот на мировните сили на ОН во Либан (УНИФИЛ), Андреа Тененти, изјави дека еден цивил е убиен во престрелката.
Прекуграничната размена на оган стана речиси секојдневна по 7 октомври, кога палестинската група Хамас изврши напад во јужен Израел, по што израелската армија започна контраофанзива во Газа. Од тој датум 13 борци на Хезболах се убиени во јужен Либан, соопшти организацијата, која инаку е сојузник на Хамас кој влезе во војна со Израел во 2006 година.
Хезболах: Подготвени сме за конфликт со Израел
Според израелската армија, врз нивната земја од Либан биле истрелани две противоклопни ракети и го погодиле селото Манара, но немало жртви.
Хезболах вели дека е подготвен да влезе во конфликт со Израел, додека израелскиот министер за одбрана пред пет дена изјави дека неговата земја нема намера да води војна на северниот фронт или да ја влоши ситуацијата на границата со Либан доколку Хезболах се воздржи од напади.