Претходно во средата, израелската влада сподели, а потоа избриша објава со сочувство на социјалните мрежи за смртта на папата Франциск, без да ја наведе причината за тоа
Четири дена по смртта на папата Франциск, Израел синоќа изрази сочувство до Католичката црква и католичката заедница по повод смртта на поглаварот на Римокатоличката црква кој почина во понеделникот.
„Државата Израел изразува најдлабоко сочувство до Католичката црква и католичката заедница ширум светот за смртта на папата Франциск. Нека почива во мир“,
се наведува во објавата на канцеларијата на израелскиот премиер.
Претходно во средата, израелската влада сподели, а потоа избриша објава со сочувство на социјалните мрежи за смртта на папата Франциск, без да ја наведе причината за тоа. Израелските медиуми го поврзаа ваквиот потег со критиките што покојниот папа Франциск ги упати кон раководството на еврејската држава поради војната во Газа.
Папата Франциск почина во понеделникот на 88-годишна возраст.