Двајца угледни новинари од Брисел кои долги години ја следат надворешната политика цитираат официјален извор од Европската унија кој вели дека изјавите на еврокомесарот за проширување и соседска политика, Оливер Вархеји, за разделување на С Македонија и Албанија во пристапните преговори не се официјален став на Европската комисија.
Новинарот на „Волстрит џурнал“, Лоренс Норман реагираше на Твитер на изјавата на Вархеји и тврди дека извори од ЕУ велат дека разделување на процесите не се планираат.
„Ова е интересно. Висок претставник на ЕУ ми рече дека изјавите на Оливер Вархеји не претставуваат став на ЕК. Поточно, изворот рече дека Комисијата поддржува брзо отворање на пристапни преговори и со С Македонија и со Албанија. ‘Не планираме одвојување’“,
пишува Норман.
Well, this is interesting. Senior EU official is telling me @OliverVarhelyi comments here do not represent Commission view and are “off on a tangent.” Specifically, source says Comm supports speedy opening accession IGCs for both N Mac & Albania. “We are NOT preparing a split.” https://t.co/JWzNbdnvcD
— laurence norman (@laurnorman) May 6, 2021
Неговиот колега уредник во „Политико“, Ендрју Греј, вели дека и тој добил потврда од висок претставник на ЕУ дека не се планира одвојување на процесите за пристапување кон ЕУ за двете земји.
„Ние во ‘Политико’ исто така добивме информација од висок претставник на ЕУ дека не се планира раздвојување на Албанија и С Македонија. Можеби е обид за притисок врз С Македонија за да се договори со Бугарија? Но, мала е веројатноста кога на комесарот му противречат други официјални лица, а Бугарија сега нема ниту Влада!“,
пишува Греј на Твитер.
We @POLITICOEurope hear the same from an EU official – no split planned between Albania and North Macedonia.
— Andrew Gray (@andrew_r_gray) May 6, 2021
Maybe an attempt to pressure North Mac to do deal with Bulgaria? Unlikely to work when commissioner is directly contradicted by other officials and Bulgaria has no govt! https://t.co/FEnhSRbf4W
Еврокомесарот за проширување и соседска политика, Оливер Вархеји, во изјава за „Еуроњуз“ денеска рече дека постои можност за одвојување на С Македонија и Албанија во пристапните преговори.
Процесите за пристапни преговори на С Македонија и Албанија за членство во ЕУ отсекогаш биле „во пакет“, но сега С Македонија е блокирана од страна на Бугарија, па ова може да доведе промени, сугерираше Вархеји.
„Ако повторно наидеме на тешкотии со Северна Македонија, што значи дека немаме успех во убедувањето на Бугарија и Северна Македонија за зедничко решение, тогаш прашањето е дали можеме да одиме напред само со Албанија. И ќе мора да го разгледаме тоа прашање“,
рече Вархеји.