Италија сè уште ги поминува тешките денови откако стана најголемо жариштето на коронавирусот. Во изминативе 24 часа бројката на починати пациенти изнесува 889, а вкупната бројка се искачи на 10.023.
Според податоците на „Ворлд о метерс“, во моментов во Италија активни случаи на коронавирус има 70.065, а оздравеле 12.384 лица.
Земјата сè уште под целосен карантин и строго ограничено движење на граѓаните.
Во Ватикан пак, се тестирале 170 лица вклучувајќи го и папата Франциск. Резултатите од тестот за коронавирус за Папата и неговите најблиски соработници се негативни, но од вкупниот број тестирани шест лица се позитивни.
„Можам да потврдам дека ниту Светиот Отец ниту некој од неговите најблиски помошници не е меѓу нив“,
рече портпаролот на Ватикан, Матео Бруни.
ПОВРЗАНИ ВЕСТИ:
Албанија испрати медицински тим во Бергамо
Шпанија: Повеќе од 800 жртви од коронавирусот во едно деноноќие
Светот во изолација: Метрополите како градови на духови (ВИДЕО)