Здравствените работници ќе бидат платени од албанската Влада и тоа лекарите по 3000 евра, а медицинските техничари под 2500 евра
Албанија испрати триесет албански лекари и медицински техничари во Италија за да им помогнат на нивните колеги во Бергамо во борбата против коронавирусот.
„Испраќањето на здравствениот персонал се случува по вчерашниот разговор меѓу албанскиот премиер Еди Рама и италијанскиот министер за надворешни работи Луиџи Ди Мајо и го следи барањето на италијанските власти за солидарност и меѓународна помош, како што тоа веќе го покажаа Кина и Русија“,
пренесува Топ чанел.
На меѓународниот аеродром во Тирана медицинската екипа ја испрати премиерот Рама кој меѓу другото изјави дека не може да ја гледа Италија во неволја.
„Ова е војна која никој не може да ја добие сам. Драги членови на оваа храбра мисија за живот, тргнувате во една војна која е и наша. Денес сите сме Италијанци и Италија ќе победи во војната и за нас и за цела Европа и светот. Бог да ве благослови сите“,
рече меѓу другото Рама на испраќањето.
Албанските здравствени работници во Италија ќе останат еден месец, а ќе ги плаќа албанската Влада и тоа по 3.000 евра лекарите, а по 2.500 евра медицинските техничари.