Особено е забележителен падот на бројот на хоспитализирани и смртни случаи како последица од ковид
Но, истражувачите сепак предупредуваат дека поради олеснувањето на мерките и враќање на децата во училиштата, бројот на заразени можно е да стагнира
Британската програма за вакцинација против ковид-19 почна да ја прекинува врската помеѓу инфекцијата и сериозната болест или смртта, покажуваат најновите резултати од тековната студија за пандемијата во Велика Британија.
Истражувачите од Империјал Колеџ во Лондон откриле дека инфекциите со ковид-19 се намалиле за околу 60 проценти во март, бидејќи рестриктивните мерки на национално ниво го забавија ширењето на вирусот.
Луѓето на возраст од 65 години и повеќе, имаат најмала веројатност да бидат заразени, бидејќи тие имаат најголема корист од програмата за вакцинација, чиј прв таргет беа токму повозрасните лица.
Студијата, исто така, укажува и на соодност меѓу заразени и хоспитализирани и смртни случаи, односно дека процентот се намалил во споредба со перидот пред почетокот на масовната вакцинација.
Но, истражувачите сепак предупредуваат дека ако се следи студијата до крај, бројот на инфицирани пред и во тек на вакцинацијата се изедначува, пред се, поради олеснувањето на мерките и враќање на децата во училиштата.
Следното олеснување е закажано за 12 април, кога ќе биде дозволено да се отворат продавниците, фризерниците, фитнес -салите и отворените делови од баровите и рестораните.
Империјал Колеџ спроведува истражувања низ Велика Британија секој месец. Последното беше со над 140 000 луѓе од 11. до 30 март.