Најмногу дезинформации беа во врска со лековите, односно како да се заштитиме од короната. Имаше дезинформации за маските, за чипови, Бил Гејтс… Сега гледаме дека фокусот е насочен кон дезинформации за вакцината – дека сите ние што сме биле вакцинирани ќе умреме или ќе добиеме некои дегенеративни болести, вели Стефан Јањиќ од „Лажни вести“, кој го спроведе истражувањето
Медиумите во Србија најчесто ја дезинформирале јавноста за пандемијата со коронавирусот во регионот. Од 20 медиуми што објавиле лажни информации, дури 15 се од Србија, покажува истражувањето „Дезинформации за време на пандемијата ковид-19“, што го спроведе „Лажни вести“.
Според истражувањето, најмногу лажни информации се регистрирани на социјалната мрежа Фејсбук, потоа во весникот „Ало“, порталот „Србија данас“, „Информер“…
„Имаше најмногу дезинформации во врска со лековите, односно како да се заштитиме од короната. Имаше дезинформации за маските, за чипови, Бил Гејтс… Сега гледаме дека фокусот е насочен кон дезинформации за вакцината – дека сите ние што сме биле вакцинирани ќе умреме или ќе добиеме некои дегенеративни болести. Забележавме дека водечките таблоиди во Србија имаат голем број изнајмени странци на Фејсбук, за кои никогаш не би помислиле дека имаат врски со тие медиуми. Ова се страници кои, наводно, ветуваат забавни цитати од филмови или, наводно, ја следат работата на Новак Ѓоковиќ и, всушност, преку такви платформи тие само ја промовираат содржината на тие таблоиди“,
вели Стефан Јањиќ, уредник на „Лажни вести“ за Нова.рс.