Според истражувањето што го спроведе Фондацијата за демократија на Вестминстер, дури и кога младите се претставени на листите, првите позиции со најголема веројатност за пратеничко место се помалку достапни за нив. Според кандидатските листи, кандидатите на првите 5 позиции се 2,6 години постари од остатокот од кандидатите. Изборна единица со најмлади кандидати во просек е ИЕ 6 со 40,6 години, додека највисока просечна возраст има во ИЕ 1 со 44,7 години.
Просечната возраст на кандидатите за пратеници на претстојните парламентарни е избори е 42,54 години. Партијата со најмлади кандидати има просечна возраст од 32,3 години, додека највисоката просечна возраст кај една партија е 53,2 години. Најмладите кандидати на овие избори имаат 18 години, додека највозрасниот кандидат 87 години. Ова се дел од наодите на новото истражување на Фондацијата за демократија на Вестминстер за позицијата на младите на парламентарните избори 2020. Истражувањето цели да обезбеди информации и да поттикне дискусија за тоа како младите, како една од маргинализираните групи во општеството, се претставени на листите и во програмите на политичките партии.
Според истражувањето, дури и кога младите се претставени на листите, првите позиции со најголема веројатност за пратеничко место се помалку достапни за нив. Според кандидатските листи, кандидатите на првите 5 позиции се 2,6 години постари од остатокот од кандидатите. Изборна единица со најмлади кандидати во просек е ИЕ 6 со 40,6 години, додека највисока просечна возраст има во ИЕ 1 со 44,7 години.
Гледајќи ја застапеноста на младите кај политичките партии со кандидатски листи во сите шест изборни единици, политичката партија со најмногу млади има 38 млади лица од 120 кандидати, додека само 3 партии одвоиле над 30 позиции за млади кандидати од своите 120. Процентот на застапеност на млади лица на возраст од 18 – 29 години на листите се движи од 35% кај партијата со најмногу млади кандидати, до 1,7% кај партијата што има најмал број.
„Иако младите луѓе сочинуваат голем дел од населението и се клучна алка за одржливоста на општеството, тие се најчесто диспропорционално вклучени во политичките тела кои ги претставуваат интересите на граѓаните. Отсуството на можности за квалитетен живот резултира со иселување, незадоволство и апатија. Поради ова, вклученоста на младите во политичките процеси е предуслов за подобрување на можностите за младите во земјата, а нивната претставеност во институциите кои ги претставуваат граѓаните важна за нивната репрезентативност“,
соопштија од Фондацијата за демократија на Вестминстер.
Оваа Фондација е независна и спонзорирана од Министерството за надворешни работи и Комонвелтот на Велика Британија и од Одделот за меѓународен развој. Нејзина специјалност е парламентарно зајакнување и развој на политички партии, а работи и на поддршка на изборни процеси и зајакнување на граѓанско општество.