Индија на почетокот на мај пријавуваше повеќе од 400 000 заразени на ден, но бројките постепено се намалуваа. Денеска се евидентирани 257 299 нови случаи
Епидемијата на ковид-19 во Индија се стабилизира во некои делови на земјата, соопштија денеска локалните власти, но бројот починати денеска повторно е 4 194, додека заразата продолжува да се шири во руралните области каде што јавните здравствени служби се ретки и веќе преоптоварени.
Индија на почетокот на мај пријавуваше повеќе од 400 000 заразени на ден, но бројките постепено се намалуваа. Денеска се евидентирани 257 299 нови случаи.
Бројот на активни случаи во последните две недели падна во најбогатата држава Махараштра, потоа во Карнатака, Бенгалуру, како и во крајбрежната држава Керала, изјави службеник во Министерството за здравство Лав Агарвал.
Дневниот број на заразени во Западен Бенгал, Андра Прадеш и Тамил Наду се зголемува, додаде тој.
Со преполни болници, здравствени системи и недостиг на вакцини, експертите предупредуваат дека Индија може да се соочи со трет бран на зараза во наредните месеци.
„Иако ширењето на коронавирусот се стабилизираше во многу делови на земјата и во целина товарот е намален, треба да поминеме долг пат со овој бран“,
соопшти владиниот совет за справување со пандемијата.
Вкупниот број на случаи во Индија е 26,3 милиони, со што земјата е втора во светот по САД, додека вкупниот број на смртни случаи изнесува 295 525.