По твитот на Илон Маск во кој сугерира решение за мир меѓу Русија и Украина, украинскиот претседател Володимир Зеленски ги праша своите следбеници на Твитер „Кој Илон Маск повеќе им се допаѓа“ – оној што ја поддржува Украина или оној што ја поддржува Русија
Најбогатиот човек во светот Илон Маск денеска на Твитер сугерираше дека има решение за постигнување примирје меѓу Украина и Русија. Тој објави и анкета во која ги прашува своите следбеници дали се согласуваат со него, давајќи им опција да гласаат со ‘да’ или ‘не’ на неговиот предлог.
„Украинско-руски мир:
– Да се повторат изборите на припоените региони под надзор на ОН. Русија ќе си замине ако тоа е волјата на народот.
– Крим формално е дел од Русија, како што беше од 1783 година (до грешката на Хрушчов).
– Обезбедено водоснабдување на Крим.
– Украина останува неутрална“,
напиша Маск.
Ukraine-Russia Peace:
— Elon Musk (@elonmusk) October 3, 2022
– Redo elections of annexed regions under UN supervision. Russia leaves if that is will of the people.
– Crimea formally part of Russia, as it has been since 1783 (until Khrushchev’s mistake).
– Water supply to Crimea assured.
– Ukraine remains neutral.
Маск додава оти е веројатно дека ова ќе биде исходот на крајот – само прашање е колку луѓе ќе умрат пред тоа. Исто така, додава тој, вреди да се напомене дека можен, иако неверојатен, исход од овој конфликт е нуклеарна војна.
Also worth noting that a possible, albeit unlikely, outcome from this conflict is nuclear war
— Elon Musk (@elonmusk) October 3, 2022
По твитот на Маск кој предизвика бројни реакции, украинскиот претседател Володимир Зеленски ги праша своите следбеници на Твитер „Кој Илон Маск повеќе им се допаѓа“ – оној што ја поддржува Украина или оној што ја поддржува Русија.
„Кој Илон Маск повеќе ви се допаѓа?
Оној што ја поддржува Украина;
Оној што ја поддржува Русија“,
пишува Зеленски во својата објава на Твитер.
Which @elonmusk do you like more?
— Володимир Зеленський (@ZelenskyyUa) October 3, 2022