ИДФ соопшти дека нападите со борбени авиони, тенкови и артилерија биле насочени кон инфраструктурата на Хезболах што се користела за напади врз Израел
Израелските одбранбени сили (ИДФ) објавија дека извршиле напади во јужен Либан, вклучувајќи ги Аит ал Шаб и Рамие, како и други области како одговор на нападите на либанската милитантна група Хезболах во северен Израел.
ИДФ соопшти дека нападите со борбени авиони, тенкови и артилерија биле насочени кон инфраструктурата на Хезболах што се користела за напади врз Израел, објави „Тајмс оф Израел“.
Дополнително, ИДФ изјави дека бил погоден воен комплекс на Хезболах, како и дека биле погодени една ќелија на Хезболах која се подготвувала да изврши напад со антитенковски ракети, како и уште една ќелија што се наоѓала во зграда од која претходно се испукувале проектили кон Израелците.
Хезболах денеска истрелале околу 50 ракети и проектили врз Израел и лансирашеле две беспилотни летала.