Неделава започнува турнирот во Индијан Велс, а потоа следува Мастерсот во Мајами, кој Новак исто така најверојатно ќе го пропушти поради строгите мерки што се во сила во САД
Најдобриот светски тенисер и оваа година дефинитивно нема да игра на првиот Мастерс во сезоната – Индијан Велс.
Властите во Соединетите Американски Држави го одбија барањето на српскиот тенисер да влезе во земјата, па Новак беше принуден да се повлече од ждрепката на Мастерсот во Калифорнија, потврдија организаторите.
„Добивме информација дека барањето на Ѓоковиќ да влезе во нашата земја е одбиено. Сепак, веруваме дека таквата одлука може да се смени“,
изјави пред неколку дена сенаторот од Флорида, Рик Скот.
Неделава започнува турнирот во Индијан Велс, а потоа следува Мастерсот во Мајами, кој Новак исто така најверојатно ќе го пропушти поради строгите мерки што се во сила во САД.
Да потсетиме, Соединетите Американски Држави сè уште не дозволуваат влез во земјата на странци што не се вакцинирани против ковид.
Николоз Басилашвили ќе го замени Новак во Индијан Велс, објавија организаторите на турнирот.
World No.1 Novak Djokovic has withdrawn from the 2023 BNP Paribas Open.
— BNP Paribas Open (@BNPPARIBASOPEN) March 6, 2023
With his withdrawal, Nikoloz Basilashvili moves into the field.#TennisParadise pic.twitter.com/wUcBn5upc7