Министерот за образование и наука Арбер Адеми на својот фејсбук-профил објави дека по почувствувани благи симптоми направил корона тест, кој покажал дека е позитивен на коронавирусот.
„Ве известувам дека по почувствувани благи симптоми вчера и сомневања дека можеби сум заразен со Ковид-19, го направив тестот и за жал резултатот е позитивен. Апелирам до сите вас да ги почитувате максимално протоколите заради вашето здравје и здравјето на вашите најблиски“,
наведува Адеми
Адеми пред два дена имаше заеднички настан со министерот за економија Крешник Бектеши и министерот за политички систем и односи меѓу заедниците Садула Дураку, кога присуствуваше на отворање на спортска сала во селото Матејче, Липковско. Бектеши уште вчера објави дека е позитивен.
