Холандското министерство за надворешни работи соопшти дека изјавата на дипломатот била дадена пред неговото назначување на почетокот на овој месец, но била објавена дури откако тој ја презел функцијата
Дипломатот Рон ван Дартел, кој беше назначен пред помалку од три недели да го промовира холандското учество во обновата на Украина, поднесе оставка поради неговата неодамнешна изјава дека Украинците се Руси.
Ван Дартел, поранешен холандски амбасадор во Србија, Полска и Русија, поднесе оставка поради коментарите што ги дал на авторот на една нова книга.
„И Украинците се Руси. Тоа не смееме да го заборавиме. Тоа е реалноста“,
биле коментарите на холандскиот дипломат, пренесува РТЛ.
Холандското Министерство за надворешни работи соопшти дека ја прифатило неговата оставка.
Министерството соопшти дека изјавата на дипломатот била дадена пред неговото назначување на почетокот на овој месец, но била објавена дури откако тој ја презел функцијата.
Ван Дартел „сфати дека повеќе не може да функционира веродостојно со дадените изјави и затоа реши веднаш да поднесе оставка“,
соопшти холандското министерство.