Од утринава веб-страницата на Министерството за образование и наука е недостапна за користење, откако била цел на хакерски напад, зад кој наводно стојат грчки хакери кои се претставуваат како „Netwatchers“.
Како резултат на сајбер-нападот, сите објавени линкови на страницата водеа кон видео на „Јутуб“ со наслов „Позната Македонија“.
Во моментов, страната на МОН е целосно нефункционална.
Министерството беше мета на хакерски напади и во февруари годинава, кога повторно грчки хакери објавија дека презеле контрола врз надзорните камери и базите на податоци во министерството. Тогаш МОН ги демантираше овие објави.