Пожарите во Лос Анџелес досега однесоа 11 жртви, околу 10 000 објекти и 14 000 хектари земјиште
Големите пожари што беснеат во Лос Анџелес веќе четири дена однесоа најмалку 11 животи. Ветрот што ја помага огнената стихија почна да слабее, а секојдневно се слушаат критики и обвинувања за тоа кој е одговорен и дали службите соодветно се справиле со пожарите.
Воведен е и полициски час од 18 ч. попладне до 6 наутро поради грабежите што се случија на погодените објекти.
Гувернерот на Калифорнија, Гевин Њусом, побара сеопфатна независна истрага за службите кои дистрибуираат вода. Според Њусом, вознемирувачка е помислата дека хидрантите имале многу слаб притисок на почетокот од катастрофата, што воопшто не беше од помош додека пожарите се ширеа.
Освен 11 жртви, уништени се 10 000 објекти и 14 000 хектари земјиште.
Во моментов активни се пет пожари, а најголемиот е на подрачјето на Малибу и Пацифик Палисејдс.