Говорејќи на 102-годишнината од раѓањето на Нелсон Мандела, генералниот секретар на ОН забележа: „Исправени сме пред најдлабоката глобална рецесија по Втората светска војна. Можеме да видиме глад од историски размери“
Коронавирусот го разоткри „кревкиот скелет“ на општествата и може да турне уште 100 милиони луѓе во екстремна сиромаштија, изјави денеска генералниот секретар на ОН, Антонио Гутереш.
Говорејќи на 102-годишнината од раѓањето на Нелсон Мандела, Гутереш рече дека коронавирусот „го става центарот на вниманието“ врз глобалната неправда.
– Клекнати сме на колена од микроскопски вирус. Пандемијата ја демонстрира кревкоста на нашиот свет“,
рече Гутереш за време на виртуелното спомен -одбележување организирано од Фондацијата „Нелсон Мандела“, со седиште во Јоханесбург.
Тој посочи дека економската криза поради пандемијата на ковид-19, од кој се заразени повеќе од 14 милиони луѓе, а починати се речиси 600.000 ширум светот, се чувствува непропорционално.
„Исправени сме пред најдлабоката глобална рецесија по Втората светска војна. Нови сто милиони луѓе можат да бидат турнати во екстремна сиромаштија. Можеме да видиме глад од историски размери“,
рече Гутереш
Тој истакна дека 26 најбогати луѓе во светот имаат богатство колку половина од светската популација.
– Но, приходот, платата и богатството не се единствените мерки за нееднаквост, додаде тој.
Според него, луѓето веќе го изгубиле трпението поради очигледни разлики и дискриминација во општествата.
– Коронавирусот исто така создаде можност светските лидери да изградат порамноправен и одржлив свет. Ние сме на пресвртница. Но, знаеме на која страна од историјата се наоѓаме, истакна Гутереш.