Груби на средба со косовскиот амбасадор: Разговарале за изборите, пописот, но и за процесот против водачите на ОВК во Хаг

Првиот вицепремиер се надева дека поранешните лидери на Косово ќе се вратат со чист образ и дека правдата ќе надвладее

Двајцата соговорници разговараа и за процесот на поранешните лидери на Република Косово, кои во моментов се во Хаг. Груби се надева дека ќе се вратат со чист образ и дека правдата ќе надвладее и ќе излезе на виделина, соопштија од кабинетот на првиот вицепремиер Артан Груби по неговиот денешен состанок со косовскиот амбасадор во Скопје, Ѓерѓ Дедај.

Тачи, Весели, Сељими и Красниќи од синоќа се во притвор во Хаг

Груби, како што се посочува, изразил надеж дека во Косово на 14 февруари ќе се одржат слободни и демократски избори, а со тоа и избор на институции во Косово што е можно поскоро.

Косово ќе гласа на парламентарни избори на 14 февруари, кампањата ќе трае 10 дена

„Со амбасадорот на Косово разговараа и за европската интеграција на Северна Македонија, но и за отвореното прашање со Бугарија. Груби и Дедај се согласија дека пописот во земјата е процес што треба да се спроведе, бидејќи последниот беше спроведен во 2002 година. Груби му рече на амбасадорот Дедај дека пописот на населението ѝ е потребен на Северна Македонија за да се спроведат еднакви и фер политики“,

се наведува во соопштението од средбата.