Како и во останатите земји, главен таргет на заострените мерки се невакцинираните лица
Возрасните можат да влезат во затворени простории и рекреативни центри само со потврда за вакцинација или за прележаност на вирусот.
Ограничувањата важат за затворени кафулиња, ресторани, кина и музеи, но и за судовите и црквите
Грција воведе голем број нови ограничувања за борба против коронавирусот, поради наглиот пораст на стапката на смртност, која е речиси двојно повеќе од просекот на Европската унија.
Според владината наредба, ограничувањата ќе важат две недели, до 6 декември, а меѓу другото опфаќаат задолжително носење маски на сите работни места и работа со скратено работно време во јавниот и приватниот сектор.
Возрасните можат да влезат во затворени простории и рекреативни центри само со потврда за вакцинација или за прележаност на вирусот.
Ограничувањата важат за затворени кафулиња, ресторани, кина и музеи, но и за судовите и црквите.
Третина од населението во Грција и четвртина од возрасните сè уште не се вакцинирани, а бројот на смртни случаи нагло се зголеми од крајот на октомври и го достигна највисокото ниво во последните шест месеци.
Ограничувањата беа воведени откако повеќе од 90 отсто од капацитетот на одделението за интензивна нега во ковид-болниците беше исполнет.
Владата ја отфрли можноста за повторно воведување на општа забрана за движење, но министерот за здравство Танос Плеврис рече дека за две недели ќе се направи проценка на новите мерки.
„Нашите невакцинирани сограѓани се разболуваат со тешка форма на болеста, сместени се на оддели за интензивна нега и умираат. На вакцинираните не им е потребно исто ниво на заштита“,
рече Плеврис.
Грчкото обвинителство неодамна поднесе кривични и прекршочни пријави против повеќе од 40 лица, наводно вклучени во операцијата за продажба на потврди за вакцинација на невакцинирани лица.