Во Грција, со првата доза вакцинирано е 31 отсто од населението, а 17,2 проценти се целосно имунизирани
Лицата кои прележале Ковид-19, во Грција ќе бидат вакцинирани само со една доза од вакцината и тоа во период од шест до 12 месеци по заразувањето, соопшти попладнево претседателка на Националната комисија за вакцинација Мариа Теодориду, јави МИА од Атина.
Во однос на процесот на имунизација во земјата, денеска се надминати пет милиони вакцинации од кои над три милиони се однесуваат на првата, а останатите на втората доза.
Во Грција, со првата доза вакцинирано е 31 отсто од населението, а 17,2 проценти се целосно имунизирани.
Најголем дел од вакцинираните во Грција се со вакцината на Фајзер (2.100.000), потоа следат со вакцината на Астра Зенека (740.000 граѓани), со Модерна (307.000) и над 80.000 лица со Џонсон и Џонсон.