Децата би биле вакцинирани со помала доза од онаа што ја примаат возрасните, а вакцинацијата би започнала од 15 декември
Грчките власти ја одобрија вакцинацијата против коронавирус за деца од пет до 11 години, пренесува српската телевизија Н1. Вакцинацијата би започнала од 15 декември.
„Првиот термин за вакцинација на деца од пет до 11 години ќе биде на 15 декември, а платформата за закажување на вакцинација ќе биде достапна од 10 декември“,
соопштуваат грчките власти, а пренесува Н1.
Децата би биле вакцинирани со помала доза од онаа што ја примаат возрасните, а првата серија вакцини ќе пристигне на 13 декември во Грција.
Претходно, во ноември годинава, и САД одобрија вакцинација на деца од пет до 11 години со доза помала од дозата која е наменета за вакцинација на возрасни и тинејџери, односно една третина од нивната доза.