Грчката влада одлучи да ги затвори училиштата, факултетите, а се откажуваат секаков вид масовни собири, јавни, културни и спортски настани. Забраната ќе важи во следните 48 часа во трите грчки региони Ахаиа, Закинтос и Илиас со цел да се спречи ширењето на коронавирусот.
Информацијата ја соопшти професорот Сотирис Циодрас, кој е претставник за ковид-19 во Министерството за здравство на Грција, јави дописничката на МИА од Атина.
Одлуката е за 5 и 6 март 2020, а доаѓа по последниот, деветти, потврден случај на коронавирус во Грција, кај лице жител на еден од регионите.
Претходно, Италија како најпогодена од коронавирусот меѓу европските држави, одлучи да ги затвори сите училишта и факултети на целата територија на земјата. Ваквата мерка во Италија ќе биде во
Вечерва и Словенија го потврди првиот случај на лице заразено со новиот вирус. Информација ја објави премиерот во оставка Марјан Шарец на социјалните мрежи и најави повеќе детали од Министерот за здравство.
Инаку, Словенија до денеска беше една од ретките држави во регионот каде што немаше потврден случај на коронавирус.