Посетата на Франкојанис ќе биде прва на грчки владин претставник по изборот на новата влада во Скопје
Заменик-министерот за надворешни работи на Грција задолжен за економска дипломатија, Костас Франкојанис, утре ќе допатува во Скопје во дводневна посета, јави дописничката на МИА од Атина.
Според информациите на МИА од Атина, предвидено е Франкојанис да одржи низа средби со министрите за економија Крешник Бектеши, за надворешни работи Бујар Османи, со вицепремиерите за економски и за европски прашања Фатмир Битиќи и Бојан Маричиќ, како и со премиерот Димитар Ковачевски.
Посетата на Франкојанис е прва на грчки владин претставник по изборот на новата влада во Скопје.