Граѓаните кои имаат потреба од итна медициска помош за време на полициски час, можат без никаква дозвола да појдат до здравствена установа. Доколку бидат запрени од полиција потребно е да кажат каде одат, а ако го злоупотреба тоа ќе следат санкции.
Дополнителната заменик-министерка за внтарешни работи Славјанка Петровск, во информативанат видеосесија на Владата за новите мерки за ограничување на движењето, рече дека кога некому му е многу лошо во тој случај времето е драгоцено. Затоа граѓаните кои би се нашле во таква ситуација, нема да мора да се јавуваат на 192 ниту да бараат дополнителна дозвола за движење.
„Доволно е да се упатат до најблиската болница и ако бидат сопрени од полициските патроли да кажат дека од здравствени причини се упатуваат до одредена локација, при што треба точно да кажат во која болница се упатуваат. Тие ќе бидат евидентирани и ќе бидат пропушени“,
појасни Петровска.
Дополнително, рече таа, полицијата ќе изврши контрола преку систем дали навистина лицето се било во таа установа. Ако се потврди дека лицето е таму ќе нема никакви реперкусии, но ако се утврди дека го злоупотребил полицискиот час ќе следат санкции.