Од 5 до 25 денари ќе се намалат цените за паркирање на паркинзите со кои располага Јавното претпријатие „Градски паркинг“, соопштија од Град Скопје.
Одлуката ја донел Управниот одбор на претпријатието, а новите цели за паркирање ќе почнат да важат од 1 март 2022.
Според одлуката предвидено е намалување на цените за зонско паркирање и тоа:
- Во зона А0 цената се намалува од 100 на 75 денари за еден час;
- Во зона А цената се намалува од 50 на 40 денари за еден час;
- Во зона Б цената се намалува од 40 на 30 денари за еден час;
- Во зоните Ц и Д цената се намалува од 30 на 25 денари за еден час.