Еколошка катастрофа во Кичево, веќе подолг период општината и комуналното претпријатие одложуваат отпад во центарот на градот. Смрдеа, глодари, неподносливо станува да се живее, пишува генералниот секретар на ВМРО-ДПМНЕ и пратеник во Собранието, Ѓорѓија Сајкоски, на својот фејсбук-профил
Пожар ја зафати дивата депонија во Кичево, која е направена од страна на Општината и ЈП „Комуналец“ – Кичево. Информацијата ја сподели генералниот секретар на ВМРО-ДПМНЕ и пратеник во Собранието, Ѓорѓија Сајкоски, на својот фејсбук-профил.
Тој во објавата илустрирана со видеоснимка пишува дека веќе подолг период се случува „еколошка катастрофа“ во Кичево бидејќи општината и ЈП „Комуналец“ од Кичево одложуваат отпад во центарот на градот. Сајкоски побара одговорност за загрозување на животот на граѓаните од Општина Кичево.
„Еколошка катастрофа во Кичево, веќе подолг период општината и комуналното претпријатие одложуваат отпад во центарот на градот. Смрдеа, глодари, неподносливо станува да се живее. Денес кулминира со пожар кој ја зафати оваа дива депонија направена од страна на општината. Мора да има одговорност за загрозувањето на животот на граѓаните на оваа наша прекрасна општина. Иако како ВМРО-ДПМНЕ апелиравме и пријавуваме, денес се случува невиден хаос. Ги повикувам надлежните институциите да постапат веднаш“,
напиша Сајкоски на својот фејсбук-профил.