За потсетување, на 22 мај од Министерството за транспрот потврдија дека Државната комисија по жалби за јавни набавки донела решение за поништување на тендерот за електрични автобуси и полначи, а на кој за најповолна беше избрана заедничката понуда на унгарската компанија „Електробус – Икарус“ и на австриска ЕВН
Градоначалникот на Скопје во „Само интервју“ на телевизија Канал 5 говореше и за состојбата што ја затекнал во Градот по стапувањето на функцијата, наведувајќи дека веќе се спроведуваат контроли од надлежните институции и најави одговорност доколку бидат откриени неправилности
Градоначалникот на Град Скопје, Орце Ѓорѓиевски, телевизиско гостување изјави дека постапката за јавна набавка на 100 градски автобуси е повторно распишана и оти очекува овојпат да биде успешно завршена, паралелно со плановите за воведување на брз автобуски систем (БРТ).
За потсетување, на 22 мај од Министерството за транспрот потврдија дека Државната комисија по жалби за јавни набавки донела решение за поништување на тендерот за електрични автобуси и полначи, а на кој за најповолна беше избрана заедничката понуда на унгарската компанија „Електробус – Икарус“ и на австриска ЕВН.
Одлуката на Комисијата, како што соопштија од Транспрот, била донесена по службена должност.
Јавниот повик за набавка на 150 електрични автобуси и 75 полначи беше објавен на 27 февруари годинава, а согласно критериумите што беа наведени во поништениот јавен повик, понудувачот ќе требаше да произведе и да испорача 30 автобуси во рок од шест месеци, 60 автобуси во рок од 12 месеци и уште 60 автобуси во рок од 18 месеци. Рокот за доставување на потребната документација беше до 30 март.
„Денеска е реобјавена постапката за 100 автобуси, искрено се надевам дека овој пат ќе биде успешна. За да не биде градот зависен само од централна власт, владата ќе обезбеди 100 автобуси, но, јас го започнувам за многу скоро проектот БРТ за кој градот ќе обезбеди 40 автобуси“,
рече Ѓорѓиевски во гостувањето во „Само интервју“ на телевизија Канал 5.
За реализацијата на БРТ системот, Ѓорѓиевски рече дека се очекува административните постапки да завршат до крајот на годината.
„Постапките треба да ги завршиме до крајот на оваа година, здравје од наредната да ставиме темели“,
рече тој.
Градоначалникот на Скопје говореше и за состојбата што ја затекнал во Градот по стапувањето на функцијата, наведувајќи дека веќе се спроведуваат контроли од надлежните институции и најави одговорност доколку бидат откриени неправилности.
„Во моментов има ревизија и финансиската полиција и останатите институции се занимаваат со одредени предмети во Град Скопје, мислам дека одговорност ќе има“,
изјави тој, додавајќи дека соработката со централната власт е координирана.
Говорејќи за комуналната хигиена, скопскиот градоначалник рече дека е завршена тендерската постапка за набавка на 40 камиони за ЈП „Комунална хигиена“, од кои дел се цистерни за миење на улиците, а додаде и дека се воведува нов систем за транспорт на отпад со претоварни станици.
„Имаме две претоварни станици, наместо камионите да одат од Ѓорче Петров до ‘Дрисла’, ѓубрето ќе се одлага од обичните камиони во претоварните камиони кои потоа ќе одат до ‘Дрисла’“,
кажа тој.
Според него, резултатите треба да се почувствуваат во наредниот период, а во фаза на евалуација, како што рече, е и обезбедување 2 600 контејнери.
За дивата депонија Вардариште, Ѓорѓиевски повтори дека просторот ќе се трансформира во парк и дека веќе е почнато чистење.
„Стојам зад тоа што реков, дека тоа ќе биде парк, започнавме со чистење на површинскиот отпад“,
рече тој, додавајќи дека индустриските загадувачи треба да се дислоцираат надвор од населени места.
Градоначалникот на Скопје се осврна и на состојбата со жичницата до Водно, која моментално не работи, објаснувајќи дека е направена детална проверка од превентивни безбедносни причини.
„Побаравме од изведувачите писмено да дојдат и да извршат проверки. Беа потребни неколку месеци да пристигнат, а откако дојдоа направија проверки и дефектажа на жичницата и изнесоа информации дека од четири, три сензори не работеле, како и дека имало процеси кои можеле тековно да се одржуваат. Жичницата е доведена во состојба на ремонт“,
рече градоначалникот на Скопје.
Во однос на луна паркот, посочи дека е избран изведувач и дека проектот треба да заврши до следната година.