Во пунктовите за вакцинација веќе се вакцинирани над 19 000 граѓани
Повеќе од 61 илјада граѓани досега се пријавени за вакцинација против сезонски грип, информираат од Министерството за здравство што, како што додаваат оттаму, покажува голем интерес кај граѓаните.
„Во пунктовите за вакцинација веќе се вакцинирани над 19 000 граѓани. Почнувајќи од денес, мобилните тимови од здравствените установи ќе спроведуваат вакцинација во домовите за стари лица“,
информираат од Здравство.
Пријавувањето за имунизација се врши преку апликацијата Вакцинација.мк, со што граѓаните директно се регистрираат во системот „Мој термин“. Согласно распоредот предвиден во планот за вакцинација, граѓаните преку СМС-порака добиваат повратна информација за точниот датум, час и место кога треба да се вакцинираат
Со бесплатна вакцинација се опфатени ризичните групи – лица над 65 години, лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и вработените во установи за социјална заштита на стари лица.