Според полицијата и обвинителството на Германија, Иранецот е обвинет дека подготвувал насилен чин што, како што се вели, би ја загрозил безбедноста со наводна набавка на цијанид и рицин за извршување на напад мотивиран од радикалното толкување на исламот
Германската полиција синоќа уапсила 32-годишен ирански државјанин во под сомнение дека набавил смртоносни хемикалии (цијанид и рицин) за да изврши „исламистички мотивиран“ терористички напад, објави Асошиејтед прес.
Како дел од истрагата, синоќа во градот Кастроп-Рауксел бил извршен и претрес во просториите на осомничениот
„Осомничениот е обвинет дека подготвувал насилен чин што би ја загрозил безбедноста со наводна набавка на цијанид и рицин за извршување на напад мотивиран од радикалното толкување на исламот“,
се вели во заедничкото соопштение на обвинителството и полицијата.
Портпаролот на обвинителството во Дизелдорф подоцна изјавил дека при првичниот претрес во просториите не биле пронајдени токсични материи.
Освен иранскиот државјанин, полицијата соопштила дека во врска со случајот е приведено уште едно лице, за кој медиумите пишуваат оти е брат на уапсениот.
Се уште не е одлучено дали 32-годишниот ирански државјанин ќе биде изведен пред судија.
Инаку, рицинот се смета за биолошко оружје и е на листата воено оружје. Дури и мали количини на рицин може да убие возрасен човек ако се јаде, инјектира или вдишува. Цијанидот е исто така многу токсичен, што дури и најмалите количини се смртоносни за човекот.